4 Iətəmimi iətəm tatol noliən tərah, in tətatgəhli mɨn lou rəha Uhgɨn, mətəu-inu nəghatiən u noliən tərah, nɨpətɨn u, natgəhliən lou rəha Uhgɨn. 5 Kəni itəmah nəkotəhrun məmə Krɨsto təmuva məmə otos rəkɨs rəhatəmah noliən tərah mɨn,† 1Jon 3:8 kəni noliən tərah tɨkə lan.‡ 2Kor 5:21 6 Tol lanəha, nəmə kitah kəutəhtul=pən lan, tol=pən ko kəsotəkeikeiən e noliən tərah mɨn. Mətəu nətəmimi mɨn u nətəm kautəkeikei e noliən tərah mɨn, tol=pən kotəruru agɨn in, məsoteruhiən in.§ 1Jon 3:9; 2:4; 5:18; 3Jon 1:11

7 Kəlkələh mɨn, sotoliən iətəmi kəti teiuə e təmah e nati u. Iətəmi tatol nati əhruahru, nɨpətɨn u məmə in iətəmi əhruahru təhmen e Krɨsto məmə in iətəmi əhruahru. 8 Mətəu iətəmimi iətəm tatəkeikei əhanəh e noliən tərah mɨn, tətəgətun məmə in rəha Setən, u iətəm təmatol noliən tərah e nətuəuiniən mətəuarus=pa u rəueiu mɨne.* Jon 8:44 Mətəu Nətɨ Uhgɨn təmuva o nərəkɨniən uək mɨn əha rəha Setən.† Hip 2:14 9 Nətəmimi mɨn u nətəm kəmotair vi mɨn məhuva nenətɨ Uhgɨn mɨn,‡ Jon 1:13 ilah ko kəsotəkeikeiən e noliən tərah,§ 1Jon 5:18 mətəu-inu ilah kautos nian mɨtə rəha Uhgɨn. Kəni o nati u, ko ilah kəsotəkeikeiən e noliən tərah, mətəu-inu ilah nenətɨ Uhgɨn mɨn.* Nɨkɨtɨ nati tateviə mətəuə e nəuan. E suaru əhmen əmə, Uhgɨn tatələhu=pən rəhan nian mɨtə e iətəmi kəti, kəni in tateviə təhmen e nɨkɨtɨ nati iətəm kəmərfei e nəmiəgəhiən rəha iətəmimi u, kəni mətəuə e nəuan e noliən mɨn rəha Uhgɨn. Tol lanəha, nətəmimi mɨn u nətəm kəmotair vi mɨn motuva nenətɨ Uhgɨn mɨn, ilah kəsotəkeikeiən e noliən tərah. 10 Tol mə, kotəhrun nəniən məmə pəh mɨn u nenətɨ Uhgɨn,† 1Jon 3:1,2; Jon 1:12 kəni pəh mɨn u nenətɨ Setən.‡ 1Jon 3:8 Iətəmimi u iətəm təsol əhruahruiən, kəni in məsolkeikeiən pian kəti,§ 1Jon 2:9; 4:8 in səniəmə nətɨ Uhgɨn kəti.

11 Nəghatiən u inu, nəmotətəu e nətuəuiniən e nanusiən təuvɨr,* 1Jon 2:7 məmə kitah okotəkeikei motolkeikei itah mɨn.† Jon 13:34-35; 15:12; 1Jon 4:7,11,21; 2Jon 1:5 12 Sotoliən nɨtai Ken, iətəm in iətəmimi rəha Setən kəni təhuamu pian.‡ Jen 4:8 ?Kəni təmohamu pian o nak? Təmohamu mətəu-inu rəhan noliən mɨn tərah, konu rəha pian, noliən mɨn in təhruahru.§ Prov 29:10 13 Piak mɨn, narmɨtəmah təsiuvɨg pɨkiən nəmə nətəmimi rəha nəhue nɨftəni u kəutəməki e təmah.* Jon 15:18,19; 17:14 14 Nəmə kitah kotolkeikei piatah mɨn, tətəgətun məmə kitah kinotapirəkɨs rəkɨs nɨmɨsiən, mɨnotevɨg=pən e nəmiəgəhiən.† Jon 5:24 Mətəu iətəmi u nolkeikeiən tɨkə lan, in tətatɨg əhanəh e nɨmɨsiən.‡ 1Jon 2:9 15 Iətəmimi u iətəm tətəməki e pian§ 1Jon 2:9 in təhmen e iətəm tətəhuamu iətəmi,* Mat 5:21,22; Jon 8:44 kəni itəmah nəkotəhrun məmə iətəm tətəhuamu itəmi, in təsosiən nəmiəgəhiən itulɨn.† Kəl 5:20,21

16 Kitah kotəhrun vivi məmə nolkeikeiən in tol lanu, mətəu-inu Iesu təməfa rəhan nəmiəgəhiən o tah.‡ Jon 10:11 Kəni təhmen əmə lanəha, təuvɨr məmə kitah mɨn kotəfən nəmiəgəhiən rəhatah o piatah mɨn.§ Jon 15:13; 1Təs 2:8 17 ?Nəmə iətəmi kəti rəhan natimnati tepət kəni pian kəti rəhan nati kəti tɨkə, mətəu in təsolkeikeiən məmə təhrun e pian,* Dut 15:7,8; Jem 2:15,16 məsoliən nati agɨn lan, nolkeikeiən rəha Uhgɨn otəhro lanu matɨg e iətəmi u?† 1Jon 4:20 18 Nenətɨk mɨn, pəh kitah kəsotəniən nolkeikeiən e nohlɨtah əmə, mətəu okotol əpu nolkeikeiən pəhriən e noliən mɨn rəhatah.‡ Esik 33:31; Rom 12:9 19 Noliən mɨn rəhatah kautəgətun məmə kitah nətəmimi rəha nɨpəhriəniən, kəni tol lanəha, nian okotəhtul e nəhmtɨ Uhgɨn, kəni kəsotəgɨniən. 20 Kəni nati əpnapɨn nəmə kotətəu=pən e nɨkitah məmə okotos nalpɨniən o natimnati nəuvein, mətəu Uhgɨn in ilɨs tapirəkɨs nɨkitah, kəni in təhrun natimnati rəfin, kəni otəni məmə kitah kotəhruahru uə kəpə.

21 Piak mɨn, nəmə kotətəu=pən e nɨkitah məmə okəsotosiən nalpɨniən, kitah okəsotəgɨniən e nəhmtɨ Uhgɨn,§ Efəs 3:12; 1Jon 5:14 22 kəni motos natimnati rəfin ohni iətəm kəutətapuəh=pən ohni,* Mat 7:7 mətəu inu kitah kautol nəuian† Jon 14:15 kəni mautol noliən iətəm in tolkeikei.‡ Hip 13:21 23 Konu nəghatiən u rəhan tətəni məmə kotəkeikei motəhatətə e Nətɨn,§ Jon 6:29 Iesu Krɨsto,* Jon 1:12; 3:18; 20:31 kəni motolkeikei itah mɨn, təhmen məmə inu in təməni kəm tah.† Jon 13:34 24 Nətəmimi mɨn u nətəm kautol nəuian,‡ 1Jon 2:3 ilah kautəhtul=pən vivi lan,§ 1Jon 2:6; 4:15 kəni in tətəhtul=pən vivi e lah. Kəni kitah kotəhrun məmə in tətatɨg e nɨkitah, mətəu-inu Narmɨn Rəha Uhgɨn iətəm in təməfa, in tətəgətun kəm tah.* 1Jon 4:13