19
Koakeil ten out nesa amasmas Ahi ven mahien koa sani min taon ten out Babilon * Babilon vi selusien suai usil mari taon ten out Rom.
Katau en koanik, nalong mari verien tai suval vangi meatin tai koa marite vis marite mok amakul en out nesa avit,
“!Masmasien va min Ahi!
!Mututien, hetetamenien, ka keihoen vi onen Ahi orer!
!Sakien koa mul lei rahit usite onen meatin keil onen vi anatin ka mal! Sam 19:9; 119:137; Rev 16:7
Kei san mahien va kat hoeaso
koa mul purun out netan ral min sakien tatisa keil onen.
Ahi sa kes mahien mini
ven kei mu vinvini more eiloheh keil onen.” Dut 32:43; 2Ki 9:7; Sam 79:10; Rev 6:10
Keil amakul eris avit,
“!Masmasien va min Ahi!
!Tupas ten ahang koa kan lin mari taon enek ven sakien tatisa keil onen
va nesa lises ka lisenges!” Aes 34:10
Elda hanumau ka ehat (24) ka tounah ehat (4) koa amoul uva netan min Ahi koa rondan en mari vulin ten keihoen onen. 1Ki 22:19; 2Kron 18:18; Sam 47:8; Aes 6:1; Esek 1:26-27; Rev 4:2,9; 5:1,7,13; 6:16; 7:10,15; 21:5 Keil aviteni avit,
“!Anatin! !Masmasien va min Ahi!”
Meatin keil onen Ahi asi keil ven tetaliheien onen kei koa suval sipsip ten sanien votut
Evus, nalong rea tai mul selus ka vesesal ven mari vulin ten keihoen onen Ahi koa vit,
“!Kami eiloheh vasi keil koa mimusil kat Ahi orer,
mihemasmasi!
!Kami koa mivouhou mini,
kami koa mimarite vita rokol kami koa mivi havivi,
mihemasmasi!” Sam 22:23; 134:1; 135:1; 115:13; Rev 11:18
Evus, nalong mari verien tai suval vangi meatin tai koa marite vis marite mok amakul, amusel keih suval navong mari tahe mutarum en ahat keil. Anatin, verien teni suval voulul koa muroh keih. Esek 1:24; 43:2; Rev 1:15; 14:2 Nalong keil amakul avit,
“!Masmasien va min Ahi!
Veni Ahi orer, Ahi Asuv ten keihoen,
kei vi Asuv Houlu koa mul losil kat tounah vasi. Eks 15:18; Sam 22:28; 93:1; 97:1; 99:1; Dan 7:14; Sak 14:9; Rev 11:15
!Rehesi ir ka rehemakul!
!Rehemasmas hetetamenien onen!
Ven avong ten tetaliheien onen kei koa suval sipsip emai,
ka ahin onen sak mesein kei veni.
Min ahin onen, asan more eisin tamuoh koa muto ka merendas.” Aes 61:10
(Eisin enek vi sakien tetahos onen meatin keil onen Ahi.)
Evus, angelo viteni minau vit, “Kitis selusien koanik: Tokolkatien onen Ahi hel en koakeil asisil en keil keke avaha en anien tatetaliheien onen kei koa suval sipsip.” Ka angelo vit risi minau vit, “Koanik vi selusien anatin onen Ahi.” Mat 22:2-3; Luk 14:15
10 Navong viteni mukok, namalingling ka nuva netan en alen. Ka kei viteni minau vit, “!Konoumontei namukonek! Inau mun navi eiloheh enges onen Ahi suvaluk ka suval tumali keil koa akur anatin en selusien usil Iesu. !Kiha netan min Ahi enges! Veni anatinien usil Iesu vi vatte ten asa koa provet keil vasi ara usili ka en Ninin onen Ahi.” Umen 10:25-26; Rev 22:8-9
Kei koa muloh en hos tamuoh va vae lin meatin tatisa keil
11 Evus, nales voiteh ten out nesa seha, ka en out enek, namutimanin nales hos tamuoh tai. Ka meatin koa mul muloh eni vi Iesu, kei koa avise en ‘Meatin ten Anatinien ka Kei koa Aling Desien eni.’ Ka en sakien ten maluen, kei mul lei rahit usite onen meatin keil, ka mul vae ral min vativieh keil onen. Esek 1:1; Rev 4:1; Sak 1:8; 6:3,6; Rev 6:2; 1:5; 3:14; Sam 96:13; 11:4 12 Meten vihil suval ahang, ka vatluvoluv houlu ten hiasuvien amul en vatin. Eis tai, amutisi mul en kei koa kei sasen enges kilea en aneite teni. Dan 10:6; Rev 1:14; 2:17-18 13 Ara ka vasi eisin koa musin eni. Ka isen tamun vi ‘Vati Selusien onen Ahi.’ Aes 63:1-3; Sion 1:1,14 14 Meatin tavaeen keil ten out nesa amusili. Keil emun amul amuloh en hos tamuoh ka keil amusin en eisin tamuoh koa muto. 15 Naef takan tai kistal ka en ongon koa hou vasin meatin tatisa keil en kantri keil eni. Kei helosil kat keil hekeih. Heso ruain keil iha en out ten mari vurohien onen Ahi ten Keihoen ven sakien tatisa keil one. Houmoni min keil hesuval navong avita lin site ran hei grep keil. Aes 49:2; Rev 1:16; 2:12,16; Sam 2:9; Rev 12:5; Aes 63:3; Rang 1:15; Soel 3:13; Rev 14:20; Amos 3:13; 4:13; Rev 1:8; 4:8; 11:17; 15:3; 16:7,14; 19:6; 21:22 16 Eis tai mul en eisin omon ka en horan koa vit, “Asuv Houlu onen asuv houlu savsav keil, ka Avat onen avat savsav keil.” Dut 10:17; Dan 2:47; 1Tim 6:15; Rev 17:14
17 Evus, nales angelo tai mulomal en meteiai. Kei viso keih va min aman vasi keil koa amul amuka en teilang vit, “!Almai, ka mihelah ruai out hetas ven mari anien onen Ahi! Esek 39:17-20 18 !Almai, ka mihean teiai onen asuv houlu keil, onen avat keil tavaeen, onen meatin tavaeen keil one, onen hos keil ka onen meatin keil amuloh eni emun! !Almai, ka mihean teiai onen meatin vasi keil enek: koakeil amaluv vita rokol koakeil avi slev, ka koakeil amarite vita rokol koakeil avi havipi sukar!”
19 Evus, nales tirendan tisa koa mulamu ka asuv houlu keil ten out netan ral min meatin tavaeen keil one. Keil umai out tas keke avavae vatal min Iesu, koa mul muloh en hos, ka meatin keil onen. Sam 2:2 20 Kei vuli kat tirendan tisa ral provet taluvosien onen koa mumon merikel keil en meten tirendan enek keke valuvos koakeil akur metai onen tirendan ka koakeil uva netan min nana onen. Kei son keilu lumoul luva en mari ahang koa suval vuli ahang ten vane. Rev 13:7,12-17; 14:9,11; 16:2; 20:4,10,15; Aes 30:33 21 Evus Iesu, koa muloh en hos onen, ra vinvini meatin tavaeen vasi keil onen tirendan ral min naef koa kistal ran ongon. Ka aman keil umai akan vini keil en teiai onen meatin keil enek. Esek 39:17,20

*^ Babilon vi selusien suai usil mari taon ten out Rom.

19:2: Sam 19:9; 119:137; Rev 16:7

19:2: Dut 32:43; 2Ki 9:7; Sam 79:10; Rev 6:10

19:3: Aes 34:10

19:4: 1Ki 22:19; 2Kron 18:18; Sam 47:8; Aes 6:1; Esek 1:26-27; Rev 4:2,9; 5:1,7,13; 6:16; 7:10,15; 21:5

19:5: Sam 22:23; 134:1; 135:1; 115:13; Rev 11:18

19:6: Esek 1:24; 43:2; Rev 1:15; 14:2

19:6: Eks 15:18; Sam 22:28; 93:1; 97:1; 99:1; Dan 7:14; Sak 14:9; Rev 11:15

19:8: Aes 61:10

19:9: Mat 22:2-3; Luk 14:15

19:10: Umen 10:25-26; Rev 22:8-9

19:11: Esek 1:1; Rev 4:1; Sak 1:8; 6:3,6; Rev 6:2; 1:5; 3:14; Sam 96:13; 11:4

19:12: Dan 10:6; Rev 1:14; 2:17-18

19:13: Aes 63:1-3; Sion 1:1,14

19:15: Aes 49:2; Rev 1:16; 2:12,16; Sam 2:9; Rev 12:5; Aes 63:3; Rang 1:15; Soel 3:13; Rev 14:20; Amos 3:13; 4:13; Rev 1:8; 4:8; 11:17; 15:3; 16:7,14; 19:6; 21:22

19:16: Dut 10:17; Dan 2:47; 1Tim 6:15; Rev 17:14

19:17: Esek 39:17-20

19:19: Sam 2:2

19:20: Rev 13:7,12-17; 14:9,11; 16:2; 20:4,10,15; Aes 30:33

19:21: Esek 39:17,20