21
Ahi sakin tetal tisa keil avat me-Isrel keil
Namba 21:4-9
Me-Isrel keil alokovein Vatihou Hor ka amusil sise koa va en Atas Tahilhili. Amumoni mukonek ven e vati avakarahit atan esen me-Edom keil. Ka navong amul semau en sise, tine tamurei. Sakini aselus kutut kat Ahi ka Mosis avit, “?Vensa kokulat komai ran out Isip ka komulamun komai en out volvol mevamatmat? En out enek, anien ka oai tovuol varei. !Anien tisa enek, emai rovattei mun!” Sakini Ahi sakin tetal tisa keil houlu uva ven keil ka akat houlu en me-Isrel keil umatmat. 1Kor 10:9 Navong amul umatmat mukok, keil umai ven Mosis ka avit lat tisaen one avit, “Komai memum tisa navong meselus kutut kat Iahova ka keik. Kihis eli min Iahova hekulat tetal keil ihaha.” Sakini Mosis vis ven meatin keil. Evus, Iahova viteni min Mosis vit houmon hati aean tai hekur niniven tetal ka heti kati hel en ai tai. Hesakini navong tetal heat meatin tai, helele hehina nesa helesi ka hemai ris hetahos. Sakini Mosis mumon tetal tai en aean tai koa avise en brons ka muti kati en ai tai. Ka meatin keil koa tetal kat keil, navong alele vina nesa ales tetal enek, umai ris atahos. 2Ki 18:4; Sion 3:14

21:6: 1Kor 10:9

21:9: 2Ki 18:4; Sion 3:14