21
Ahi san mengkatien sav keil min me-Isrel keil
Eksodas 21:12-17; 22:16-27; 23:1-2
En vatihou nesa, Ahi selus min Mosis ka viteni mini mengkatien tei mun keil keke vahit meseini min meatin keil.
 
12 Iahova viteni min Mosis vit,
“Meatin koa houas hanu sav hemat, kei mun uasi hemat. Lev 24:17 13 Ka munak kei romundemtei voumoni ka inau namaen tounah enek kur out esuk, kei kilea valohosai vaha en out tai koa inau nitie min kami. Ka en out enek, kei kilea heto hetahosis. Nam 35:10-34; Dut 19:1-13; Sos 20:1-9 14 Ka munak meatin tai tin tisa kat meatin sav tai ka mumon rendemien suai tai onen vit vouasi vamat, ka muasi mat; meatin koa vuhu enek, kei mun uasi hemat. Avaseini meatin enek helohosai heha heto kus en ahor ten sanien onak.
15 Meatin koa houas tata onen vuo mama onen, kei mun uasi hemat.
16 Meatin koa hehenan meatin sav keke hemai hehi slev onen vuo keke hanu sav tai hehul lati rani, meatin enek uasi hemat. Dut 24:7
17 Meatin koa hesili tata vuo mama onen, kei uasi hemat. Lev 20:9; Mat 15:4; Mak 7:10

21:12: Lev 24:17

21:13: Nam 35:10-34; Dut 19:1-13; Sos 20:1-9

21:16: Dut 24:7

21:17: Lev 20:9; Mat 15:4; Mak 7:10