150
Rehehati lat isen Iahova
1 !Rehehati lat isen Iahova!
Rehehati lat isen Ahi en out nesa,
rehou lati en out votut onen.
2 Rehehati lati ven tounah keil koa marite koa mul mumoni.
Rehehou lati veni isen hetetamen imok.
3 Rehehati lati hetal min amaru keil,
ka rehehou lati hetal min kitar ka seka keil emun.
4 Rehehati lati ka rehetarum en holien mini,
ka rehehou lati hetal min iukalele ka ave emun.
5 Rehehati lati hetal bonggo
ka rehehou lati hetal min okan koa romuhi en onger.
6 Kami vasi koa mimoul
mihehou lat isen Iahova.
!Ir vasi, rehehati lat isen Iahova!