Na-kel-vǝhoti-an
Na-kel-vǝhoti-an van hǝn aJon
Ase itos nalob̃ulat egai?
AJon tovi ahai susur siYesu itosi.
Itos nalob̃ulat egai hǝn nǝsa?
AJon itos nalob̃ulat egai hǝn b̃ikel mai nǝvanuan gail husur na-kǝta-risi-an hǝn aYesu gai torisi. Na-kǝta-risi-an enan eṽusan nǝsa b̃evisi len nǝboŋ lǝb̃egǝmai.
AJon itos nalob̃ulat egai m̃os ase?
Itosi m̃os alat lotokad nadǝlomian. Itosi m̃os naKristen gail len naut p̃isi.
Itos nalob̃ulat egai ŋais?
AJon itosi pǝpadaŋ hǝn nasihau A.D. 90.
AJon anatun aSepeti evi ahai pispisul siYesu. AJon itos nalob̃ulat egai, ale esǝvati van hǝn alat siYesu len naut tomǝlevru len naprovens Asia. Len nasihau galenan naut a Rom idaŋ masuṽ ale eil a m̃o hǝn nǝvanuan naut tiltile gail len naut salit gail. Be naut a Rom emǝdas bun alat siYesu. Len nasihau A.D. 54 vǝbar A.D. 68, aSisa a Rom, nahǝsan aNero, gai emǝdas alat siYesu lototoh a Rom. Ale len nasihau A.D. 81 vǝbar A.D.96, aSisa nahǝsan aTomitian, gai tu emǝdas bun alat siYesu. Len nabunusian silat a Rom, aSisa salito esum̃an nagot, be alat siYesu lomǝtahun lǝb̃ilotu hǝni, lulotu hǝn aGot mai Nasub̃ aYesu Kristo ŋai. Imaienan nǝvanuan a Rom lunau ke alat siYesu lomǝtahun aSisa, lovi enemi san gail. Husur enan luṽabun nǝvanuan isob̃ur lotokad nadǝlomian len aYesu (2.10, 13, 3.10, 6.9). Lutah gat aJon ale loriŋi len natuhholoul Patm̃os tohum naim bǝbaŋis (1.9). Len nasihau enan aTomitian evi Sisa. AYesu evisi hǝn aJon len naholoul ei, ale ikel vǝhot natit gail lǝb̃evisi a tahw. AJon itos gat natgalenan. Itosi ke aSetan emǝdas masuṽ hǝn alat siYesu sǝhor ta m̃o. Avil alat lotoriŋ nǝlolit len aYesu leil gǝgat m̃au, limassusumar, limasdaŋ b̃ur na-lǝŋon-isa-vǝsa-an enan, naut kǝmas lǝb̃imat (12.11). AJon ike aYesu dereh tetǝlmam ale aenemi san gail asike lukad nǝdaŋan am. Alat lotogolgol nǝsaan dereh lipanis, be alat lotoriŋ nǝlolit len aYesu, lotovi esan, dereh leb̃is len naut veveu aGot tokel gati ke likade maii.
1) AJon isor husur nalob̃ulat egai (1.1-8)
2) Na-kǝta-risi-an hǝn aNatun Nǝvanuan (1.9-20)
3) Nalob̃ulat napisulan gail van hǝn alat siYesu len naut tomǝlevru (2.1–3.22)
4) Nabopita len nǝmav esǝŋav (4.1-11)
5) Nalob̃ulat tobul tokad nabuburutan lotomǝlevru (5.1–6.17)
6) Alat a Israel lotovi 144,000 (7.1-17)
7) Aŋel lotomǝlevru loṽuv nǝtrampet lotomǝlevru (8.1–11.19)
8) Napǝhaṽut, nǝtrakon mai narivatǝvat katkat eru (12.1–13.18)
9) Naṽehuh Sion mai nǝwain hǝn navile a pan (14.1–15.8)
10) Navilesir namǝkot gail (16.1-21)
11) APapilon toyalyal iteh vǝmasirsir (17.1–20.10)
12) Napǝpehunian hǝn navoian dan nǝsaan (20.11-15)
13) Nǝmav veveu mai navile a pan veveu (21.1-8)
14) Naut a Jerusalem veveu (21.9–22.5)
15) Nǝ-maris-kotovi-an (22.6-21)
1
AJon isor husur nalob̃ulat egai
Len nalob̃ulat egai aGot ilav nalǝboian hǝn nǝsa dereh b̃imasvisi asike idareh mai aYesu Kristo, hǝn aYesu b̃ikel vǝhoti mai naslev san gail lotovi vanuan san gail. AYesu esǝvat aŋel san hǝn b̃ikel vǝhoti mai ginau, aJon notovi slev san. Nukel ur natit p̃isi notorisi, natit p̃isi tovi nasoruan siGot, mai natit p̃isi aYesu Kristo tokel koti mai ginau. Avan ideh b̃eṽuruŋ nalob̃ulat egai mai alat siYesu, aGot tivoi hǝni. Alat lǝb̃esǝsǝloŋ hǝni mai lǝb̃igol nǝsa tokele, aGot tivoi hǝn galito, husur nǝboŋ hǝn natgalenan lǝb̃evisi egǝm pǝpadaŋ.
Na-ke-ivoi-an van hǝn alat siYesu len naut tomǝlevru
Ginau aJon nutos nalob̃ulat napisulan egai van hǝn alat siYesu len naut tomǝlevru len naprovens Asia. AGot teviol kǝmas hǝn navoian mai gamito, tigol nǝlomit tikad natǝm̃at. Navoian mai natǝm̃at enan arogǝm len aGot tovi gai ta sutuai tia, gai gagai, mai tovi gai b̃egǝm sal.* Len naut egai nǝnoṽ hǝni mai nahǝsan aGot tokel mai aMoses: Ginau notovi ginau bogai notovi ginau sutuai nǝb̃evi ginau (sal) vi sutuai. Navoian mai natǝm̃at arogǝm len aNunun tomǝlevru Len naut egai, aNunun tomǝlevru evi aNunun aGot. Ale mǝlevru ikad namilen ke toveveu buni o tonor buni. a m̃o len nab̃iltihai bǝtbǝtah siGot. Asia: 2Kor 1.8; alat siYesu len naut tomǝlevru: KelV 1.11; tovi gai gagai, tovi gai ta sutuai tia mai tovi gai b̃egǝm sal: Exo 3.14. Navoian mai natǝm̃at arogǝm len aYesu Kristo todaŋ hǝn b̃ikel kot nakitinan husur aGot. AYesu evi ahai a m̃o, nametǝkav hǝn na-le-mǝhat-an dan nǝmatan. Eil a m̃o hǝn nakiŋ gail hǝn navile a pan. Mitisal suh gai tolǝmas bun gidato, nǝda hǝn nǝmatan san togol datumakuv dan nǝsaan sidato.§ todaŋ hǝn b̃ikel kot nakitinan husur aGot: Isa 55.4; ahai a m̃o: Psa 89.27; nǝda hǝn nǝmatan san togol datumakuv dan nǝsaan sidato: Kol 1.20. Igol datovi vanuan dattotoh pipihabǝlan aGot, igol datogǝm vi hai tutumav tǝban aGot aTǝman. Nǝyalyalan hǝn nǝbathumǝnas mai nǝdaŋan hǝn na-il-a-m̃o-an aripat lan vi sutuai sutuai! Ganan.* Exo 19.6; 1Pit 2.5
Mǝteris! Egǝm mai nǝmavukasw! Ale nǝvanuan gail p̃isi dereh lerisi, galit am lotosari len nǝmatan san. Nǝvanuan len nahǝmar gail p̃isi len navile a pan dereh litaŋ vaisis lan. Timagenan! Ganan!** mai nǝmavukasw: Dan 7.13; Mak 14.62; lotosari: Zec 12.10; Jon 19.37.
Nasub̃ aGot, ike, “Novi alfa mai omeka, nametǝkav mai namǝkot. Ginau novi atenan tovi gai ta sutuai tia tovi gai gagai, mai tovi gai b̃egǝm sal, novi Got notodaŋ masuṽ.”†† KelV 21.6, 22.13. Alfa evi naleta nametǝkav len nasoruan ta Kris, mai omeka evi naleta namǝkot.
Na-kǝta-risi-an hǝn aNatun Nǝvanuan
Ginau aJon, awawa samito. Len aKristo, nutah mai gamito dattotoh pipihabǝlan aGot, nutah mai gamit dattodaŋ b̃ur na-lǝŋon-isa-vǝsa-an sal. Lubar hǝn ginau len naholoul lotokisi hǝn a Patm̃os sil notokel ur nasoruan siGot mai nakitinan aYesu tokel vǝhoti. Ehum nototoh len naim bǝbaŋis gegai. 10 Len nǝboŋ sua siNasub̃, aNunun aGot iwol hǝn ginau. Vǝha-sua ŋai nosǝsǝloŋ hǝn nadoldol towal habat hum nǝtrampet.‡‡ Nǝboŋ siNasub̃ evi nǝmariboŋ nametǝkav hǝn nawik, nǝmariboŋ aYesu tole mǝhat dan nǝmatan, ale husur enan, alat lotokad nadǝlomian lulotlotu hǝni len nǝboŋ enan. Nǝtrampet evi natsua lotoum hǝni hǝn nametǝlai ale nǝboŋ lotoṽuv lan, iwal sǝhor nǝwalan hǝn nahǝmadu. 11 Ike, “Gitos gat nǝsa gotorisi, ale sǝvati van hǝn alat siYesu len navile tomǝlevru: a Efesus, a Smirna, a Perkamum, a Tiatira, a Sartis, a Filatelfia mai a Laotisea.”
12 Nǝboŋ notopair hǝn nǝb̃ekǝta ris ase tosor mai ginau, noris nam̃ial tomǝlevru lotopat a mǝhat len nametǝlai nagol tomǝlevru lotoil. 13 Avan sua sum̃an anatun nǝvanuan eil len naut nametǝlai nam̃ial galenan lotoil lan. Nahurabat san ebǝlav bar narien, ale nǝhau tutuṽ nagol ibaŋis garu hǝni len nǝmabun. 14 Len nǝkadun, navurun epǝhw hum navurun nasipsip, epǝhw yesyes hum nasno. Namǝtan arohun nǝhab towunwun. 15 Narien arobilbil hun natǝlai bras topat len nǝhab gol topud vam̃ial, ale nadolon ehun nǝwalan hǝn nab̃iltiwai tosel vi pan len naut tosob̃ur.§§ Hǝn naves 13-15, ris Eze 1.24, 43.2; Dan 7.9, 13, 10.5-6 16 Len navǝlan nǝmatu etǝgau nam̃eso tomǝlevru, ale nab̃u nǝb̃alan tokan naut toru evivile dan nabuŋon. Ale nǝhon ehum namityal tobilas nǝmet len natub̃lial.
17 Nǝboŋ notorisi, nuteh bathurien sum̃an notomat. Be eriŋ navǝlan nǝmatu len ginau, ike, “Sagemǝtahw, ginau novi nametǝkav mai namǝkot.*** Hǝn naves 16-17, Isa 44.6, 48.12, 49.2; Ipru 4.12 18 Ginau novi gai tomaur. Numat be goris, gagai numaur vi sutuai vi sutuai. Notǝgau naki hǝn nǝmatan mai naut nǝmatan, nukad nǝdaŋan hǝn na-il-a-m̃o-an sǝhor gǝlar p̃isi. 19 Imagenan, gitos gat natit gail gotorisi tia, natit gail gagai mai natit gail lǝb̃evisi a tahw. 20 Nam̃eso tomǝlevru gotoris gail len navǝlagw, mai nametǝlai nagol hǝn nam̃ial tomǝlevru lotoil, namilelit tosusuah imaiegai ke: nam̃eso tomǝlevru lovi aŋel gail lotokǝtkǝta tǝban alat siYesu len naut tomǝlevru, ale nametǝlai nam̃ial tomǝlevru lovi alat siYesu len naut tomǝlevru galenan.

*1:4: Len naut egai nǝnoṽ hǝni mai nahǝsan aGot tokel mai aMoses: Ginau notovi ginau bogai notovi ginau sutuai nǝb̃evi ginau (sal) vi sutuai.

1:4: Len naut egai, aNunun tomǝlevru evi aNunun aGot. Ale mǝlevru ikad namilen ke toveveu buni o tonor buni.

1:4: Asia: 2Kor 1.8; alat siYesu len naut tomǝlevru: KelV 1.11; tovi gai gagai, tovi gai ta sutuai tia mai tovi gai b̃egǝm sal: Exo 3.14.

§1:5: todaŋ hǝn b̃ikel kot nakitinan husur aGot: Isa 55.4; ahai a m̃o: Psa 89.27; nǝda hǝn nǝmatan san togol datumakuv dan nǝsaan sidato: Kol 1.20.

*1:6: Exo 19.6; 1Pit 2.5

**1:7: mai nǝmavukasw: Dan 7.13; Mak 14.62; lotosari: Zec 12.10; Jon 19.37.

††1:8: KelV 21.6, 22.13. Alfa evi naleta nametǝkav len nasoruan ta Kris, mai omeka evi naleta namǝkot.

‡‡1:10: Nǝboŋ siNasub̃ evi nǝmariboŋ nametǝkav hǝn nawik, nǝmariboŋ aYesu tole mǝhat dan nǝmatan, ale husur enan, alat lotokad nadǝlomian lulotlotu hǝni len nǝboŋ enan. Nǝtrampet evi natsua lotoum hǝni hǝn nametǝlai ale nǝboŋ lotoṽuv lan, iwal sǝhor nǝwalan hǝn nahǝmadu.

§§1:15: Hǝn naves 13-15, ris Eze 1.24, 43.2; Dan 7.9, 13, 10.5-6

***1:17: Hǝn naves 16-17, Isa 44.6, 48.12, 49.2; Ipru 4.12