5
AGot ilekis hǝn ab̃iltihai tutumav dan nǝvanuan gail, ale itabtabuh len atenan hǝn b̃isor salito len nǝhon. Ab̃iltihai tutumav evi p̃isal salito van hǝn aGot. Ab̃iltihai tutumav eviol hǝn naviolan gail mai aGot, ale etutumav hǝn narivatvat gail sil nǝsaan sinǝvanuan gail.* Nǝboŋ nǝvanuan togol nǝsaan, nǝpanismen tonor hǝn nǝsaan evi matan. Ale lotutumav hǝn narivatvat hǝn nǝmatan san b̃igel nǝmatan tonor hǝn nǝvanuan sil nǝsaan togole. Ale ab̃iltihai tutumav elǝboi b̃ikad naṽide b̃emǝdau van hǝn nǝvanuan gail lototǝtan, lotoyar lab dan nakitinan, husur gai am igol nǝsaban akis sum̃an galito. Husur enan etutumav m̃au sil nǝsaan san gail mai nǝsaan salit gail.* Lev 9.7 Avan ideh salǝboi b̃iṽat nǝhes hǝn b̃egǝm vi b̃iltihai tutumav gai sǝb̃on. Be ipat len aGot sǝb̃on hǝn b̃ekisi, hum tokis aAron sutuai.* Exo 28.1
Len naṽide tomaienan, aKristo sǝb̃on sǝṽat nǝhes hǝn b̃egǝm vi b̃iltihai tutumav. Be aGot ikel maii ke,
“Govi Natugw,
damǝŋai nogǝm vi Tǝmam̃.”* Psa 2.7
Ale len naut tile am ike,
“Govi ahai tutumav vi sutuai,
sum̃an aMelkisetek tovi ahai tutumav ta sutuai.”* Psa 110.4
Len nǝmauran san len navile a pan, aYesu isor tuṽ van hǝn aGot tolǝboi b̃ilav kuvi dan nǝmatan. Eŋiri hǝn b̃evi tarhǝt san, ikai habat, namǝtarur san isel, ale husur toriŋ gai len navǝlan aGot len nalotuan, aGot esǝsǝloŋ hǝni.* Mat 26.36-46; Mak 14.32-42; Luk 22.39-46 Naut kǝmas aYesu tovi aNatun aGot, len na-lǝŋon-isa-vǝsa-an san gail, elǝboi sǝhot namilen na-gol-husur-nǝsa-aGot-tokele-an. Ale nǝboŋ togol natit p̃isi aGot toriŋi hǝn b̃igole tonoŋ, egǝm vi kadun nǝ-lav-kuvi-an dan nǝpanismen hǝn nǝsaan, nǝkadun nǝmauran vi sutuai m̃os nǝvanuan p̃isi lotogol husur nǝsa tokele. 10 Ale aGot eriŋi hǝn b̃iṽat nǝhes ab̃iltihai tutumav, hum aMelkisetek tovi ahai tutumav ta sutuai.
Mitimatmatu len nadǝlomian hǝn asike mǝtuteh dani
11 Namtukad natit isob̃ur hǝn namtb̃ikel husur natenan, be idaŋ hǝn namtb̃isor vǝsvǝsaii husur mǝtumanmaneh hǝn mǝtb̃elǝboi sǝhoti. 12 Gamit mǝtukad nadǝlomian sutuai tia wake mǝtsavi hai p̃usan sal. Hǝn nǝsa? Be mǝtolǝŋon ke avan ideh teṽusan gamit tǝtas am, tub̃at hǝn nakitinan metǝkav lotomǝdmǝdau len nasoruan siGot. Mǝtosum̃an natuhtǝtai ŋai tosus, salǝboi b̃ihan nǝhanian todaŋ sal. 13 Husur avan ideh tomaur len nasus ŋai, etǝtan hǝn nǝsa tonor mai nǝsa tosa, husur evi amas o likob sal. Hǝn naves 12-13, ris 1Kor 3.2 14 Be nǝhanian todaŋ evi hanian hilat lotomatmatu, galit lotolǝboi sǝhot natilean hǝn nǝsa tonor dan nǝsa tosa bathut lotogolgole akis gol ke lukad namitisau lan.

*5:1: Nǝboŋ nǝvanuan togol nǝsaan, nǝpanismen tonor hǝn nǝsaan evi matan. Ale lotutumav hǝn narivatvat hǝn nǝmatan san b̃igel nǝmatan tonor hǝn nǝvanuan sil nǝsaan togole.

*5:3: Lev 9.7

*5:4: Exo 28.1

*5:5: Psa 2.7

*5:6: Psa 110.4

*5:7: Mat 26.36-46; Mak 14.32-42; Luk 22.39-46

5:13: Hǝn naves 12-13, ris 1Kor 3.2